၃၈ဖြာမင်္ဂလာ(၃၆)

( ၃၆ ) စိုးရိမ်ပူဆွေးမှု မရှိခြင်း

ပျက်စီးခြင်း၊ ဆင်းရဲဒုက္ခဖြစ်ခြင်းနှင့် တွေ့ကြုံရသောအခါ စိုးရိမ်ပူဆွေးမှု မရှိခြင်းသည် မင်္ဂလာတစ်ပါး ဖြစ်သည်။ တစ်နည်းအားဖြင့်-ကြီးပွားချမ်းသာခြင်း၏ အကြောင်းတစ်ရပ် ဖြစ်သည်။ အောက်ပါဇာတ်တော်ကို သာဓကအဖြစ် တင်ပြအပ်ပါသည်။

လွန်လေပြီးသောအခါ ဗာရာဏသီမြို့တံခါးအနီးရှိ ရွာ၌ ပုဏ္ဏားမျိုးနွယ်ဝင် လယ်သမားဇနီးမောင်နှံ နေထိုင်ကြသည်။ သူတို့တွင် သား-ချွေးမ သမီးနှင့် အိမ်ဖော်မိန်းမနှင့်အတူ နေထိုင်ကြသည်။ အားလုံးပင် လယ်ယာလုပ်ငန်းကို စုပေါင်းလုပ်ကိုင်ကြသည်။

ဤမိသားစု၏ အကြီးအမှူးဖြစ်သော ပုဏ္ဏားကြီးသည် အလွန်တရားပြည့်ဝသည်။ ကောင်းမှုကို အလွန်မြတ်နိုး သည်။ မိမိနည်းတူ တရားပြည့်ဝ၍ ကောင်းမှုများ ပြုကြရန် မိသားစုကို အစဉ် ဆုံးမလေ့ရှိသည်။

တစ်နေ့သ၌ ပုဏ္ဏားကြီးသည် သားနှင့်အတူ လယ်တောသို့သွား၍ လယ်ထွန်သည်။ သားသည် လယ်ထွန်ရာမှ အမှိုက်တို့ကိုစုပုံ၍ မီးရှို့သည်။ ထိုစဉ် မြွေကိုက်ခံရကာ လဲကျသေဆုံးသွားရှာသည်။ အဖ-ပုဏ္ဏားကြီးသည် သားထံ ပြေးလာသည်။ သို့သော် အသက်မမီတော့ပေ။ ဤတွင် သားအလောင်းကို ပွေ့ချီကာ သစ်ပင်ရင်းတစ်ခု၌ ချထားသည်။ ပူဆွေးငိုကြွေးခြင်း မပြု။ လယ်ကို ဆက်လက်ထွန်မြဲ ထွန်သည်။ မကြာမီ အိမ်နီးချင်းယောက်ျား တစ်ယောက် လယ်အနီးမှ ဖြတ်သန်းသွားသည်။ ဤတွင် ပုဏ္ဏားကြီးက ပုဏ္ဏေးမအား ပြောပါ။ အခါတိုင်းကဲ့သို့ နှစ်ယောက်စာ ထမင်း မပို့ပါနဲ့။ တစ်အိမ်သားလုံး လာခဲ့ကြပါ-ဟူ၍ ထိုသူအား မှာကြားသည်။

ထိုသူသည် အိမ်သို့သွား၍ ပုဏ္ဏေးမအား ပြောကြားသည်။ ပုဏ္ဏေးမသည် မှာကြားချက်ကို ကြားသိရလျှင် သားသေဆုံးသည်ကို ရိပ်မိလိုက်သည်။ သို့ရာတွင် ပူဆွေးငိုကြွေးခြင်း မရှိ။ အိမ်သားအားလုံးကိုခေါ်ကာ လယ်တောသို့ လာခဲ့ကြသည်။

ရောက်လျှင် ထင်သည့်အတိုင်းပင် သားသေဆုံးနေသည်ကို တွေ့မြင်ကြရသည်။ သို့ရာတွင် အားလုံးပင်တရားကို နှလုံးသွင်းထားကြပြီးဖြစ်သဖြင့် ပူဆွေးခြင်းမရှိကြ။ ငိုကြွေးခြင်း မပြုကြ။

ပုဏ္ဏားကြီးသည် သားအလောင်း ထားသော သစ်ပင်ရိပ်မှာပင် ထမင်းစားသည်။ ပြီးလျှင် အိမ်သားများသည် သားအလောင်းကို ထင်းပုံထက်သို့ တင်ကြသည်။ ကောင်းစွာမီးသင်္ဂြိုဟ်ကြသည်။ တစ်ဦးတစ်ယောက်မျှ မျက်ရည်မကျ၊ သေခြင်းတရားကိုသာ ဆင်ခြင်ပွားများ၍ နေကြသည်။

ထိုသူတို့၏ တရားတန်ခိုးကြောင့် သိကြားမင်းသည် မနေသာ။ ထိုနေရာသို့ ကြွလာပြီးလျှင် တစ်ဦးစီကို မေးမြန်း စုံစမ်းကြည့်သည်။

ပုဏ္ဏားကြီးက-

အရှင်-မြွေသည် အရေဟောင်းကို စွန့်ခွါသွားသကဲ့သို့ ကျွန်ုပ်၏သားသည်လည်း ခန္ဓကိုယ်ကို စွန့်၍ သွားလေပြီ။ ကျွန်ုပ်တို့ ငိုကြွေး ပူဆွေးခြင်းကို သားသည် သိနိုင်မည် မဟုတ်။ ထို့ကြောင့် ကျွန်ုပ်တို့ ငိုကြွေးပူဆွေးခြင်း မပြုပါ-ဟူ၍ ပြောကြားသည်။

ပုဏ္ဏေးမကြီးကလည်း-

ကျွန်ုပ်၏သားသည် မခေါ်ယူရဘဲ ဘ၀တစ်ပါးမှ ကျွန်ုပ်တို့ထံ ရောက်လာပါသည်။ ယခုလည်း ကျွန်ုပ်တို့ ခွင့်မပြုဘဲ ဘ၀တစ်ပါးသို့ ပြောင်းသွားပါသည်။ အလိုအလျောက်လာ၍ အလိုအလျောက် ပြန်သွားရာ ငိုကြွေးခြင်းဖြင့် အဘယ်အကျိုးရှိမည်နည်း။ ငိုကြွေးလျှင်လည်း သားက သိမည်မဟုတ်ပါ-ဟူ၍ ပြောကြားသည်။

နှမကလည်း-

မောင်သည် သေဆုံးနေပြီဖြစ်ရာ ဆွေမျိုးတို့ ငိုကြွေးသည်ကို အဘယ်မှာလျှင် သိနိုင်ပါမည်နည်း။ မိမိသွားရာ လားရာဘ၀သို့သာ သွားပေပြီ။ ကျွန်မ ငိုကြွေး၍ အကျိုးထူးပါမည်လော-ဟူ၍ ပြောကြားသည်။

သားလုလင်၏ ဇနီးမယားကလည်း-

အရှင်၊ သေသူကို စိုးရိမ်တမ်းတ ငိုကြွေးနေသောသူသည် ကောင်းကင်ရှိ လမင်းကို ပေးပါ၊ ပေးပါ-ဟု တောင်းရမ်းငိုကြွေးနေသော သူငယ်နှင့် မတူပါလော။ ထို့ကြောင့် ကျွန်ုပ် ငိုကြွေးခြင်း မပြုပါ-ဟူ၍ ပြောကြားသည်။

အိမ်ဖော် မိန်းမကလည်း-

သေလွန်သည့်အတွက် ငိုကြွေးခြင်းဖြင့် အကြောင်းမထူးပါ။ ကွဲသွားသော အိုးသည် တဖန်ပြန်၍ မဆက်စပ်နိုင်တော့ပါ။ ထို့အတူ သေသူအတွက် ငိုကြွေးသော်လည်း ပြန်၍ မရှင်လာနိုင်တော့ပါ-ဟူ၍ ပြောကြားသည်။

သိကြားမင်းလည်း ဤ ၅-ဦး၏ တရားပြည့်ဝသောစကားကို ကြားရသောအခါ လွန်စွာလေးစားကြည်ညိုသွားသည်။ သူတို့အား စိန်၊ ရွှေ ရတနာများ ပေးအပ်ကာ ထိုနေရာမှ ထွက်ခွါသွားလေသည်။

အကိုး။ ။ ၅၅၀-ဥရဂဇာတ်။

( မင်းယုဝေ)

( မြတ်မင်္ဂလာ ၂၀၀၃-ခု ဇူလိုင်လ)