၃၈ဖြာမင်္ဂလာ(၂၅)

( ၂၅ ) သူ့ကျေးဇူးကို သိခြင်း

သူ့ကျေးဇူးကို သိခြင်းသည် မင်္ဂလာတစ်ပါး ဖြစ်သည်။

တစ်နည်းအားဖြင့်-ကြီးပွားချမ်းသာခြင်း၏ အကြောင်းတစ်ရပ် ဖြစ်သည်။

လွန်လေပြီးသောအခါ ဗာရာဏသီပြည်တွင် စိတ်ထားကောင်းမြတ်သော ဘုရင်တစ်ပါး အုပ်စိုးသည်။ တစ်နေ့သ၌ နယ်စွန်နယ်ဖျားအရပ်တွင် သူပုန်များ ထကြွသောင်းကျန်းရာ ဘုရင်ကိုယ်တိုင်ပင် သွားရောက် နှိမ်နင်းသည်။

သူပုန်များက ချုံခိုတိုက်ခိုက်ရာ ဘုရင်သည် အရေးနိမ့်သွားသည်။ အဖော်များနှင့်ကွဲကာ ရွာတစ်ရွာသို့ ရောက်သွားသည်။ မြင်းစီးလျက် တစ်ကိုယ်တည်း ရောက်လာသောဘုရင်ကို တွေ့သောအခါ ရွာသားတို့သည် မင်းမှန်းမသိကြ။ ကြောက်လန့်ထွက်ပြေးကြသည်။ ရွာသားတစ်ယောက်ကမူ ထွက်မပြေး၊ လမ်းမှားလာသူ ခရီးသွားမင်းချင်းတစ်ယောက်ဟူ၍ ထင်မှတ်ကာ ခရီးဦးကြိုပြုသည်။

ဘုရင်က မိမိမင်းဖြစ်ကြောင်း ဖွင့်မပြော။ မင်းချင်းယောက်ျားအဖြစ်ဖြင့် ၄-၅ ရက် တည်းခိုနေထိုင်သည်။ ရွာသားနှင့် ဇနီးတို့ကလည်း ကောင်းစွာပင် လက်ခံကျွေးမွေးပြုစုထားသည်။ ရက်သတ္တပတ်ခန့် ကြာ၍ ဘုရင်သည် ရွာမှ ထွက်ခွါသွားမည်ပြုသည်။ မသွားမီ သူနေထိုင်ရာ မင်းနေပြည်သို့ လာရောက်လည်ပတ်ရန် မှာကြားသည်။

အဆွေ၊ ကျွန်ုပ်ကို မြင်းစီးကြီး-ဟူ၍ ခေါ်ပါသည်။ မြို့တော်သို့ သင်လာလျှင် တောင်တံခါးစောင့်အား မြင်းစီးကြီးအိမ်ကို ပို့ပေးပါဟု ပြောပါ။ သူက လိုက်ပို့ပေးပါလိမ့်မည်-ဟူ၍ မှာကြားသွားသည်။

ဘုရင်သည် ထိုရွာမှ ထွက်ခွါပြီး မကြာမီ စစ်သည်ဗိုလ်ပါတို့ကို စုရုံးကာ သူပုန်များကို ထပ်မံတိုက်ခိုက်သည်။ သူပုန်များ အရေးနိမ့်သွားသည်။ ဘုရင်သည် အောင်ပွဲခံကာ နေပြည်တော်သို့ ပြန်လာခဲ့လေသည်။

နေပြည်တော်ရောက်သောအခါ ဘုရင်က တောင်တံခါးစောင့်အား-ရွာသားတယောက် လာလိမ့်မယ်။ မြင်းစီးကြီးအိမ်ကို ပို့ပေးပါဟု ဆိုလိမ့်မယ်။ ထိုသူ့ကို ငါ့ထံ ချက်ချင်းပို့ပေးပါ-ဟု မှာကြားထားသည်။

ထို့နောက် ရွာသား၏ ဂုဏ်ကျေးဇူးကို အောက်မေ့လျက် ရွာသားအလာကို မျှော်နေသည်။ ရွာသားကား ပေါ်မလာပေ။

ဤတွင် ရွာသားရောက်လာစေရန် အကြံဖြင့် ဘုရင်က စီစဉ်သည်။ ရွာသားနေသောရွာကို အခွန်များ တိုး၍ ကောက်ခံစေသည်။ ထိုအခါ အဆိုပါရွာမှ ရွာသားများသည် မင်းအား ပြုစုခဲ့သော ရွာသားထံ ချဉ်းကပ်၍-အဆွေ၊ သင့်မိတ်ဆွေ မြင်းစီးကြီး ရောက်လာပြီးမှ ငါတို့မှာ အခွန်များတိုး၍ ဆောင်နေရသည်။ မြင်းစီးကြီးထံ သင်သွားပါ။ အကျိုးအကြောင်းပြောပြ၍ အခွန်မှ လွတ်ငြိမ်းခွင့်ရအောင် ဆောင်ရွက်ပါ-ဟူ၍ ၀ိုင်းဝန်း ပြောဆိုကြသည်။

ရိုးသားလှသော ရွာသားလည်း မနေသာတော့ နေပြည်တော်သို့ တက်သွားသည်။ မြင်းစီးကြီးမှာသည့်အတိုင်း သွားရောက်ရာ ဘုရင့်ထံ ရောက်သွားသည်။ ထိုအခါ သူ့မိတ်ဆွေ မြင်းစီးကြီးဆိုသူမှာ သာမန် မင်းချင်းတယောက် မဟုတ်၊ ဘုရင်မင်းမြတ် ဖြစ်နေသည်ကို အံ့သြစွာ သိရှိရသည်။

ကျေးဇူးသိတတ်သော ဘုရင်သည် ရွာသားကို ၀မ်းမြောက်ဝမ်းသာ ကြိုဆိုသည်။ အစားကောင်း အသောက်ကောင်းများ ကျွေးမွေးသည်။ အ၀တ်သစ်များ ဆင်ယင်ပေးသည်။ ရွာသားနေသောရွာကိုလည်း အခွန်အခများမှ ချက်ချင်း လွတ်ငြိမ်းခွင့် ပေးလိုက်သည်။ ထို့ပြင် ရွာသား၏ မယားကိုလည်း ခေါ်ယူစေသည်။ နန်းတော်အနီးတွင် အိမ်သစ်ဆောက်ပေးကာ မကြောင့်မကျ နေထိုင်စေသည်။ ထိုမျှမက မင်းစည်းစိမ် တ၀က်ကိုပါ ခွဲဝေပေးသည်။

ထိုအခါ အိမ်ရှေ့မင်းနှင့် မှူးမတ်တို့ မကျေမနပ်ဖြစ်ကြသည်။ ဤတွင် ဘုရင်က ဖြစ်ပျက်ပုံ အလုံးစုံကို ပြောပြသည်။ ငါ စစ်ရှုံး၍ ဒုက္ခရောက်စဉ် ငါ့ကျေးဇူးရှင် သည်ရွာသားက ကယ်၍သာ ငါ တဖန် စစ်အောင်ရသည်။ သူ့ကျေးဇူး ကြီးလှပေသည်။ လောက၌ ကျေးဇူးပြုသူကို တုံ့ပြန်ပူဇော်ရမည်မှာ သူတော်ကောင်းတို့၏ ကျင့်စဉ်ဖြစ်သည်-ဟူ၍ ဆုံးမပြောဆိုသည်။

ထိုအခါတွင်မှ အိမ်ရှေ့မင်းနှင့် မှူးမတ်တို့သည် အမြင်မှန်ရကာ ကျေနပ်သွားကြလေသည်။

(အကိုး)။ ။ ၅၅၀-မဟာအဿာရောဟဇာတ်။

မင်းယုဝေ

(မြတ်မင်္ဂလာ ၂၀၀၃-ခု သြဂုတ်လ)