၃၈-ဖြာ မင်္ဂလာ

ဘာသာမရွေး, ပုဂ္ဂိုလ်မရွေး, လူမျိုးမရွေး, လိုက်နာကျင့်သုံးကြဖို့၊ ထိုသို့လိုက်နာကျင့်သုံးနိုင်ကြမယ်ဆိုရင် ရန်သူရန်ဘက် မနှိပ်စက်နိုင်ခြင်းအကျိုး၊ ဘေးရန်ကင်းကွာ လွန်ချမ်းသာခြင်းအကျိုး၊ တိုးတက်စည်ကား လွန်ကြီးပွားခြင်း အကျိုးများကို ရရှိခံစားကြရဖို့ရာ ၃၈-ဖြာ မင်္ဂလာကို မြတ်စွာဘုရား ဟောကြားတော်မူခဲ့ပါသည်။
ဆက်ဆံရေးမင်္ဂလာ ၃-ပါး

၁။ အသေ၀နာ စ ဗာလာနံ-လူမိုက်ဆိုလျှင်၊ ဝေးဝေးပင်၊ ရှောင်ကြဉ်နေရမည်။

၂။ ပဏ္ဍိတာနဉ္စ သေ၀နာ-ပညာရှိမြတ်၊ ပေါင်းဖော်အပ်၊ ဆည်းကပ်နေရမည်။

၃။ ပူဇာ စ ပူဇနေယျာနံ-ပူဇော်ထိုက်သူ၊ စိတ်ကြည်ဖြူ၊ ပူဇော်နေရမည်။

နေထိုင်ရေးမင်္ဂလာ ၃-ပါး

၁။ ပတိရူပ ဒေသ၀ါသော စ-သင့်တင့်လျောက်ပတ်၊ ထိုအရပ်၊ မပြတ်နေရမည်။

၂။ ပုဗ္ဗေ စ ကတပုညတာ-အတိတ်ဘ၀၊ မြတ်ဒါန၊ မုချရှိရမည်။

၃။ အတ္တသမ္မာပဏိဓိ စ-မိမိခန္ခာ၊ ထိန်းကျောင်းကာ၊ ကောင်းစွာထားရမည်။

ပညာရေးမင်္ဂလာ ၄-ပါး

၁။ ဗာဟုသစ္စဉ္စ-ပညာဆိုလျှင်၊ ကြား-သိ-မြင်၊ စုံလင် ပြည့်ရမည်။

၂။ သိပ္ပဉ္စ-လက်မှုပညာ၊ စက်မှုပါ၊ စုံစွာတတ်ရမည်။

၃။ ၀ိနယော စ သုသိက္ခိတော-ရဟန်းကျင့်ဝတ်၊ လူကျင့်ဝတ်၊ မချွတ်ထိန်းရမည်။

၎။ သုဘာသိတာ စ ယာ ၀ါစာ-စကားချိုသာ၊ ပျားသကာ၊ ကောင်းစွာဆိုရမည်။

ပြုစုလုပ်ကျွေးရေးမင်္ဂလာ ၃-ပါး

၁။ မာတာပိတု ဥပဋ္ဌာနံ-အမိ-အဖ၊ လုပ်ကျွေးကြ၊ နိစ္စမြဲရမည်။

၂။ ပုတ္တဒါရဿ သင်္ဂဟော-သားနှင့်သမီး၊ ကိုယ့်ဇနီး၊ ချီးမြှင့်ကြရမည်။

၃။ အနာကုလာ စ ကမ္မန္တာ-အပြစ်ကင်းကွာ၊ အလုပ်သာ၊ မှန်စွာလုပ်ရမည်။

ကူညီဆောင်ရွက်ရေးမင်္ဂလာ ၄-ပါး

၁။ ဒါနဉ္စ-ပေးကမ်းစွန့်ကြဲ၊ အလှူပွဲ၊ အမြဲရှိရမည်။

၂။ ဓမ္မစရိယာ စ-ကုသိုလ်တရား၊ လေ့လာပွား၊ ကြိုးစားကျင့်ရမည်။

၃။ ဉာတကာနဉ္စ သင်္ဂဟော-ဆွေမျိုး လူမျိုး၊ အများကျိုး၊ သယ်ပိုးကြရမည်။

၎။ အန၀ဇ္ဇာနိ ကမ္မာနိ-ကောင်းမှုထင်လင်း၊ အပြစ်ကင်း၊ မယွင်းပြုစုမည်။

ရှောင်ကြဉ်လိုက်နာရေးမင်္ဂလာ ၄-ပါး

၁။ အာရတီ ပါပါ-မကောင်းမှုလျှင်၊ စိတ်နှင့်ပင်၊ ရှောင်ကြဉ်ကြရမည်။

၂။ ၀ိရတီ ပါပါ-မကောင်းမှုလျှင်၊ ကိုယ်နှုတ်ပင်၊ ရှောင်ကြဉ်ကြရမည်။

၃။ မဇ္ဇပါနာစ သံယမော-သေရည်သေရက်၊ သောက်စားဖက်၊ တသက်ရှောင်ရမည်။

ခြိုးခြံခြင်းမင်္ဂလာ ၄ပါး

၁။ တပေါ စ-ခြိုးခြံမဖြုန်း၊ သူမြတ်ထုံး၊ ကျင့်သုံးနေရမည်။

၂။ ဗြဟ္မစရိယဉ္စ-စင်ကြယ်မြင့်မြတ်၊ ပဋိပတ်၊ မပြတ်ကျင့်ရမည်။

၃။ အရိယသစ္စာန ဒဿနံ-သစ္စာလေးပါး၊ မြတ်တရား၊ ပိုင်းခြား မြင်ရမည်။

၎။ နိဗ္ဗာန သစ္ဆိကိရိယာစ-အပူကင်းပျောက်၊ နိဗ္ဗာန်ရောက်၊ မျက်မှောက်ပြုရမည်။

မတုန်လှုပ်ခြင်းမင်္ဂလာ ၄-ပါး

၁။ ဖုဋ္ဌဿ လောကဓမ္မေဟိ၊ စိတ္တံ ယဿ န ကမ္ပတိ-လောကဓံများ၊ တွေ့သော်ငြား၊ စိတ်ထားငြိမ်ရမည်။

၂။ အသောကံ-ဆွေမျိုး ပျက်ချိန်၊ ဂုဏ်သေးမှိန်၊ စိုးရိမ်ကင်းရမည်။

၃။ ၀ိရဇံ-ကိလေသာမျိုး၊ ရမ္မက်ဆိုး၊ ဖြတ်ချိုးရှင်းရမည်။

၎။ ခေမံ-ကိုယ်တွင်း ကိုယ်ပြင်၊ ကိလေစင်၊ ဘေးလျှင်ကင်းရမည်။

ဤမင်္ဂလာများကို လိုက်နာကျင့်သုံး နေထိုင်သွားကြမယ်ဆိုရင် မြန်မာ ပြည်သူ ပြည်သား ဗုဒ္ဓဘာသာ ကလျာဏနွယ်ဝင် သူတော်စင် အမျိုးကောင်းသား, အမျိုးကောင်းသမီးတို့မှာ ရန်သူရန်ဘက် မနှိပ်စက်နိုင်ခြင်း၊ ဘေးရန်ကင်းကွာ လွန်ချမ်းသာခြင်း၊ တိုးတက်စည်ကား လွန်ကြီးပွားခြင်းအကျိုးတို့ကို ရရှိခံစားကြရမှာ ဖြစ်ပါသည်။

ချမ်းသာကြီးဆရာတော် ဦးဇောတိက

ဘ၀ချမ်းသာရေး တွေးမြင်ကြံဆ ဓမ္မအရသာ-စာအုပ်မှ